Қараоба ауылы Ғ.Қараш атындағы мектеп-гимназиясы

Описание

Қараоба - Казталов ауданындағы ауыл, әкімшілік округ орталығы. Аудан орталығы — Казталовка ауылынан солтүстік-батысқа қарай 67 км жерде, Сарыөзеннің оң жағалаулық жайылмасында, жусан аралас бетеге, боз, көкпек өскен сортаңдау бозғылтқоңыр топырақты шөлейт белдемде орналасқан. Тұрғыны 1,4 мың адам (1999). 1965-97 ж. КСРО-ның 60 жылдығы атындағы қой өсіру кеңшарының орталығы болды. Оның негізінде 1997 жылдан Қараобада және округке қарасты Еңбек, Қонысбай ауылдарында 45 шаруа қожалығы мен серіктестік құрылған. Орта, бастауыш мектептер, 2 мәдениет үйі, дәрігерлік емхана, медициналық пункт бар. Тұрғындары елді мекендермен автомобиль жолы арқылы қатынасады